Diesmal beschäftigt sich unser Kolumnist Charly Landzettel mit der geplanten ICE-Trasse und ihren Folgen.
DARMSTADT. Es Christkindsche stehd vor de Dier, awwer mir derfes net reulosse – nix mid „Kling Glöckchen klingelingeling, lasst mich ein ihr Kinder!“ un nix mid Friede, Freid un Eijerkuche. Un vielleischt grad deshalb (weil ses jo immer guhd mid uns maane) hawwe sisch unser christlische Griene wos Possierlisches eufalle losse. Ihr zwaa Sozjalpädagooche – es Fröliche ihr Nicole un de Yücel Akdeniz – sin in ihrn Wollpullower un in ihr handgeheegelde Wollsöggscher geschlubbd, sin in de Dammstädder Restwald an de Eschelbrigger Stroß gelaafe, un hawwe e Woihnachtsmäärsche geschriwwe.
Die Brieder Grimm wärn begeisdert gewäse. Die zwaa Fraktsjonsvorsidzende von unserne Fohrradwääge-Moler hawwe awwer net vun Hexe, Riese un Zwersche erzeelt, sonnern vun kwasi laudlose un diskreede Hochgeschwindischkeidsziesch, die die Heiner in drei Stund nooch Paris bringe. Ach, wos saach isch Paris, nooch ganz Euroba. Sie erzeele vun Giederziesch, die mer gornet mehr siehd, geschweische denn heert, weil se an de Stadd vorbeigelengt wer’n deede un vun eme Tunnel, der mool nooch Berschmannsart dorsch Griesemer Fluuchsand gesprengd werd.
Bissje dramadisch werd’s awwer aach noch in der Dischdung, weil unser Ökopaxe, vorneweg de Majestix Paatsch un seu Gudemiene, die Hildegadd vun Bessunge, in dem Määrsche aach noch kämfe. Sie kämfe beim Bund un bei de Bahn fer die Heimstäddesiedler, dass die vun dene Bauawweide iwwerhaubd nix mitkrieje, sie ringe um en iwwergesetzlische Schallschudz un schmeiße sisch ins Zeisch, dass der Sandtunnel bis unner die A5 verlängerd werd. Un am End gewinne se aach noch, un die Erzeeler erzeele, dass „die Deutsche Bahn viele Forderungen des GRÜNEN Oberbürgermeisters und der GRÜNEN Fraktion erfüllt hat!“
Un die iwweraus romandisch un herzverreißend Erzeelung hawwe se uff deijer Babier – uffen sexseidische Fleijer – drugge un in de Heinerstadd verdaale losse. Sie konnde ihr Fabel nadierlisch net mit dem woihnachtlische Titel „Von drauß vom Walde komm ich her“ schmigge, weil’s die läsdische Beem jo bald net mehr gibd. Awwer sie hawwe e viel schenner Schlaachzeil gefunne. Sie hawwe „Effektiver Waldverbrauch für die ICE-Anbindung“ driwwergeschriwwe.
Un dodezu fälld mir awwer meu eischen Endung vum Määrsche eu: „Un wann se net gestorwe sin, erlääwe ses noch, dass die Gesellschaft für deutsche Sprache die Wordschepfung ,Effektiver Waldverbrauch’ zum Unword des Jahres kürt!“.
De Scheff vum Forstamt, de Hartmut Müller, hot’s so umschriwwe: „Viel schlimmer geht’s nicht!“ un de Erfinder vum Owwerfeld un Ex-Direggder vum Hesse-Forst, de Arnulf Rosenstock hot sisch so geäißert: „Leichtgläubig! Selbstüberschätzend und naiv! Die Deutsche Bahn hat den Darmstädter Oberbürgermeister hinter die Fichte geführt!“ Freelische Woinachte!
Von Charly Landzettel