Na, seid er aach schee verebbeld unn in de April geschiggt worrn? Ja, fasd iwwerall in unserm Land gibd’s noch den lusdische Brauch, am ärsde April sei Zeidgenosse mid eme komische Uffdrooch odder mid rer Falschmeldung, wo ned uff de ärsde Bligg ze erkenne iss, in de April zu schigge.
Die ulkischsde Sache solle do beigeschaffd wärrn. Mid, „heehr, hool mer emol e Pund Miggefett odder sechs Haahne-Eijer, odder enn Schobbe Gänsemilsch, odder e Päcksche Steggnadelsaame odder e Schachdel mid schwaddse Kreide“, so will mer sei Mitmensche am ärsde April fobbe.
Friehjer, wie isch noch Lehrling – Aazubi hodd mer uns sellemols noch ned gehaaße–, also in de Firma nur de Stifd woar, do bin isch de Kolleesche efders am ärsde April uff de Leim gange.

	Dateiname  :  Der Riwwelmaddhes zum ersten April Dateigröße  :  2,89 MBytes. Datum  :  01.04.2011 17:17

Glei am ärsde Dooch vun meine Leehr, dess woar friehjer als Oofang April, do hawwe se misch in die hinnersde Eck vom Betrieb geschiggd unn von dord mussd isch die sauschweere Wasserwoochegewischde beischläbbe. Wie isch dann mid viel Geschnauf unn mid em bättschnasse Kiddel die Kist abgäwwe hab, do bin isch noch oohgeschisse worrn, weil isch oohgeblisch die falsche Gewischde beigeschlaafd hädd.
Also widder zurigg unn reduur! Doch unsern guudmiedische Moasder dem hab isch dann doch laad gedaan unn der hodd Schluss gemachd mid meiner Quäälerei. „Biebsche, schläpp die schweer Kist net mehr, do sinn nur Backstoo drinn. Unn Wasserwoochegewischde, die gibds goar net. Die bees Baggaasch, die hodd disch nur in de April geschiggd.“

Heehr, isch hadd der en Zorn unn hädd vor Wuut fasd verpladdse kenne. Als Stifd woar isch sellemols graad aus de Schuul unn noch kaa fuffzeeh Joahr. Isch woar noch so enn rischdische Miggedormel, so enn verkappde Worschdathleed unn noch net ausgewoggse. Die Aazubis von heid, die sinn mindesdens schun achzeeh Joahr unn die losse sisch net mehr so leischd uffs Glatteis fiehrn unn in de April schigge.
Aach wann mer am ärsde April die Zeidung liesd, dann muss mer hellisch uffbasse, weil so mansch Nachrischd nur enn Aprilscherz iss. Bloß unser ECHO hier iss ned mid von de Baddie, wenn ess dodrum geehd, die Leser aprilmäßisch uff die Schipp ze nemme.

De April iss nadierlisch aach wäje seim uuhnbestännische Wädder ned in jedem Joahr unsern Wonnemonat. Hier gild die Wädderreeschel: „De April, der machd graad wos er will!“ Graad wäje deene wechselnde Wädderlaache duuhd der Monat aach dess menschlisch Gemiied beeuflusse.
So seggd mer iwwer so enn Brummeldibbe, iwwer so enn Knodderer „Der iss launisch wie de April!“ Unn mid dem Spruch“ Der machd-der vielleischd e Gesischd wie Aprilwädder!“ beschreibd mer en Zeidgenosse, dessen Ausdrugg zwische Lache unn Greine schwanke duuhd. Also dann, lossd eisch net zum Aprilsnarr mache – guude!

Dieses Thema kann nicht kommentiert werden.