Wenn in unsre Heinerstadt aaner gooßspuurisch unn oohgäwwerisch mid-rer Neijischkeid, die jeder schon eewisch kennd, uff sisch uffmerksam machd unn sisch so in-de Middelpunkd stelle will, dann wärd-er vun-eme äschde Heiner mid folschendem Spruch zerigg-gepiffe: „Heer-mer uff, dess iss jo schun so old wie-de Grooße Wooch!“
Ja, de Grooße Wooch iss wärglisch schun iwwer vierhunnerd Joahr oold. So um 1570 hodd-enn de Landgraf von Hessen-Dammstadt, Schorsch de Ärsde, enn grooße Deisch mid-eme Damm drumrum graawe losse. Nachdem-mer in dem Deisch de Darmbach gestaut hodd, do iss dann-de Grooße Wooch draus worrn.

	Dateiname  :  Der Riwwelmaddhes über die Schlammbeißer Dateigröße  :  3,15 MBytes. Datum  :  26.08.2011 15:32 Download  :  Hier herunterladen

Sellemols, do durfd-mer in-de Woochsbriieh noch ned puddle unn aach ned schwimme. Dess Gewässer woar oohfänglisch nur als Lesch- unn als Fischdeisch vorgesähje. Unn die Fisch, die-mer im Wooch gefange hodd, die hodd-de Landgraf bagge losse unn hodd-die zamme mid-eme Ranke drogge Brood verdriggd.
Wie heid jeder waaß, do wärd so-enn gebaggene Fisch ärsd zum rischdische Gaumegenuß, wann-mer enn scheene klitschische Kadoffelsalaad dezu issd. Doch unsern Schorsch de Ärsde, der mussd uff deen Genuss verzischde, weil-mer zu dere Zeid die Kadoffel noch ned gekennd hodd. Ja, viele Sodde Fisch, die hodd-mer im Wooch gefange. Vor allem Kapfe unn Roodaache sinn do ins Netz gange.
Doch ab unn zu hodd-mer aach enn ganz besonnere Fisch an-de Angel gehabd. Dess woar-enn Schlammbeißer, enn Fisch mit zeehje Boardhoarn unn der noch dezu dorsch sein Darm atme kann. Unn heid noch duuht-mer in-de Woochsbriieh die Schlammbeißer finne; doch nur in-de Baadesäsong. Dess sinn awwer kaa Fisch mehr, naa, dess sinn Schwimmer aus Flaasch unn Bluud, die sisch bei jedem Wädder in die Woochsfluude stärddse.
Vor hunnerd Joahr, do hawwe sisch neemlisch so fuffzisch schwimmbegeisderde Heiner zammegefunne. Unn die hawwe sisch ohne-enn Verein zu grinde späder „Schlammbeißer“ gehaaße. Die „Schlammbeißer“ vun 1911 woarn nur junge Borsche. Heiner-Määdscher woarn domols noch kaa debei. Die holde Weiblischkeid, die hadd-e eische Daamebaad, dord an-de Juuchendherbärsch, wo heid-ess Familijebaad iss. Unn dord hodd-mer Baadenixe mid-rer Brädderwand vor deene neigierische Bligg von-de Mannsleid geschiddsd.
Ja, die „Schlambeißer“-Korona, die wollde doch die Waade vom Freilein Heleen sähje unn deshalb sinn-se mid-de Ferngläser bewaffnet uff-enn Kieshaufe in-de Landgraf-Schorsch-Strooß gegrawweld, um enn guude Eubligg ins Daamebaad ze hawwe. Do hawwe sisch die Woochs-Nixe beschweerd, unn deshalb hodd-ess Tiefbauamt den Kieshaufe abdrooche misse. Doch die Männerriesch vun-de „Schlammbeißer“ woar erfinnerisch unn hodd dann dorsch die Astlescher vun-de Brädderwand uff die Määdscher im Daamebaad gespiggeld. Unn weil die Astlescher weider uffgeboohrd worrn sinn, hodd-mer schlussendlisch die Brädderwand abgerisse. Unn so hawwe die „Schlammbeißer“ mid dezu beigedrooche, dass aus-em Daamebaad ess Familiejebaad geworrn iss. Herzlischen Gliggwunsch zum Hunnerdsde! Guude.

 

Dieses Thema kann nicht kommentiert werden.