Mid unserm beriehmde Satz – "Da, Heiner, stegg der aach aa ooh!“ beweise mir Dammstädter Heiner doch jedem, dass mer dess Dorsch-die-Naas-Schwätze graad so guud wie enn Franzoos beherrsche. Iwwerhaupt hawwe mir Heiner sowieso enn grooße franzeesische Wortschatz ständisch parat. Ja, isch will´s Eisch glei beweise. Wenn mer neemlisch oarm aus de Wesch guggd, dann hodd mer meisdens kaan roode Fennisch im "Portmonnee".

Bei de HEAG fährt enn "Schofför" de Bus, unn de "Kontrollör" bassd uff, dass alle Leid bezaahld hawwe. Pfui Deiwel! – die Hunde mache uffs "Troddewoahr". Dess ärscherd die Leid, die in so enn Blindgänger noidrääde. An em "Okdewaah-Heisje" ( Oktroi-Häuschen) hodd mer ganz friehjer Zoll bezaahle misse, wenn mer in unser Stadt gewolld hadd. Äldere Dammstädter saache heid noch: Gugg net so wie e Okdewaah-Heisje!, wenn aaner erstaund mid offenem Mund unn leerem Bligg in die Welt noi guggd.

	Dateiname  :  Der Riwwelmaddhes über Französisch Dateigröße  :  3,08 MBytes. Datum  :  26.01.2011 21:33

Ja, unn als soi "Baggaasch" bezeischend mer bei uns soi besser Verwandtschaft, gälle! Wer emol als Mann asch e Bach muß, der suchd horddisch e "Pissowoahr". Zum "Frisöör" schiggd aam sei Mudder, wenn mer e Ank hodd. Dord beim "Coifföör" wärd dann die Atzel geschoorn. Aach sinn Heiner net "ete-petete", awwer aach net hinne wie vorne.

Schlimmer wärd´s, wenn moi Fraa in "Raasch" kimmt. Isch geeh dann glei in Deckung. So, ihr aach! Ja, die heggd mer sunsd uffs "Dubbee" unn behaubd noch dezu, isch wär enn "Schwuddjee". Die Karnewallsgadd von Bessunge haaßd "Schwolleschee". Mir hawwe aach e Kastanje-"Allee" unn uffs Brood schmiern mer uns moijends "Schellee". En "Bonbon" iss enn Klumbe unn nach Äwwerscht fiehrt die „"Schossee". Dodruff sinn friehjer die reische Leid midde "Schääs" gefoahrn. Die hadde noch dezu in ihre Haiser aach e "Kannapee". Mir hadde nur e "Schääslong" dehaam. Dodruff hadd unsern Oba immer sei Middoochsschlääfsche gemachd. Awwer dess deijersde Stigg bei unsre Oma, dess woar ihr "Werddigoo"!

Egal ob Drägg druff woar odder aach net, abgestaabd hodd die des jeden Dooch. Unserm Grooßherzooch sei besser Schloss woar ess Neije "Palää" owwe an de Keesglogg. Die Bessunger hawwe die schee "Oraascherie". Unn "Auf macht, dass mer fortkumme!" haaßd bei uns "Alla, jeddsd!"

De Lange "Lui" iss jo aach voll franzeesisch, unn net nur im Klang. Uff jeden Fall iss der, der do owwe druff steeht, vom franzeesische Napoljon zum ärsde Großherzooch von Hesse-Dammstadt gemachd worrn. Unn wie ihr säähd, mir Heiner hawwe doch wärrglisch enn franzeesische Wortschatz ständisch parat. Dodemid duuhn mer unser Heinerdaitsch verfeinern unn indernazjoonalisiern. Awwer isch muß jeddsd fort, moi Fraa leggd graad ihr "Ruusch" uff. Also guude heehr! Odder besser: "Adschee!"

Bis zum näggsdemol grießd Eisch de Riwwelmaddhes